Antonio Barros Serodio defenderá, o vindeiro venres, 22 de novembro, na segunda rolda da sección Recantos, do popular programa da TVG, Luar, o Recanto de Vigo e comarca, interpretando nesta ocasión dúas cancións: “Noelia” de Nino Bravo e “Algo de mí” de Camilo Sesto.
Tras acadar 34 puntos na primeira rolda, dos cales 26 foron do xurado, 1 dos recanteiros e 7 conseguidos mediante votación telefónica, agarda poder seguir contando co apoio dos televidentes a través das cinco chamadas telefónicas ao número que aparecerá na pantalla do televisor.
