Imprimir esta páxina
22
Julio

Concentración de repulsa no Porriño polo crime machista de Vilalba

O Porriño acolleu este mediodía a concentración de repulsa polo crime machista acontecido onte en Vilalba. O acto celebrouse diante do Concello, na praza Arquitecto Antonio Palacios coa presenza de veciñas, veciños e representantes dos grupos políticos da corporación municipal de Porriño.

Gardouse un minuto de silencio para repudiar este segundo asasinato por violencia de xénero ocurrido no que vai de ano en Galicia.

 

A vítima, de nome María, tiña 48 anos e estaba en trámites de divorcio do seu home que a acoitelou e logo aforcouse, a pesares de terse decretada polo xulgado unha orde de afastamento.

 

No que vai de ano, 33 mulleres foron asasinadas vítimas de violencia de xénero. Dende que hai cómputos -concretamente dende 2003-, 1.008 mulleres morreron a mans das súas parellas ou ex-parellas.

Valora agora
(0 votos)